امریکہ کے حملے کی دھمکی کے بعد ایران کا بھی کرارا جواب

نجی ٹی وی دنیا نیوز کے مطابق ایران کی جانب سے کہا گیا ہے کہ اس کے شہریوں، سرزمین سمیت مفادات پر حملہ کیا گیا تو ایران فیصلہ کن اور سخت جواب دے گا۔ ایرانی سرکاری خبر رساں ادارے کی جانب سے بتایا گیا کہ تہران اپنی سرزمین پر کسی بھی حملے کو ریڈ لائن سمجھتا ہے جسے کراس کرنے پر بھرپور ردعمل سامنے آئے گا۔

اقوام متحدہ میں ایرانی مندوب امیر سعید ایروانی نے سلامتی کونسل کے صدر کے نام پیغام میں کہا تھا کہ ایران کسی گروہ یا فرد کے خطے میں کسی قسم کے اقدامات کا ذمہ دار نہیں ہے۔ انہوں نے مزید کہا کہ عراق و شام میں امریکی فوجی تنصیبات پر حملوں میں ایران کو ملوث کرنا غیر ذمہ دارانہ عمل ہے۔